Сүүлийн 24 цагийн хугацаанд ХӨСҮТ-д 24 дэх хоногтоо эмчлүүлж байсан 89 настай иргэн нас барсан бол биеийн байдал нь маш хүнд 3 хүн байна гэж ХӨСҮТ-ийн Тандалт, судалгааны албаны дарга Ж.Байгалмаа мэдээллээ.
Тэрээр “Нас барсан иргэн коронавируст халдварын нэн хүнд хэлбэрээр өвчилсний зэрэгцээ артерийн даралт, амьсгалын дутагдал, зүрх судасны архаг дутагдал зэрэг хавсарсан эмгэгтэй байсан аж. 16 хоногийн турш эрчимт эмчилгээ хийлгэж байгаад амьсгалын болон зүрх судасны дутагдлаар нас барсан” гэлээ.
Өнөөдрийн байдлаар 1201 хүн эмчлүүлж байна. Биеийн байдлаар нь үнэлбэл,
- Хөнгөн-1075
- Хүндэвтэр-115
- Хүнд-8
- Маш хүнд-3 хүн байна.
Өчигдөр 81 хүн эмнэлгээс гарснаар эдгэрсэн хүний тоо 3212 болсон нь нийт 4498 тохиолдлын 71 хувь юм.