Нийслэлийн Баянзүрх дүүргийн 10 дугаар хороонд ерөнхий боловсролын 142 дугаар сургууль шинээр ашиглалтад орж сурагчдаа хүлээн авлаа. Тус сургуулийн нээлтийн арга хэмжээнд БСШУСЯ-ны дэд сайд Г.Ганбаяр, дүүргийн Засаг дарга Т.Баясах, Засаг даргын орлогч Б.Наранчулуун, 142 дугаар сургуулийн захирал Ч.Наранцэцэг болон хүүхэд багачууд, эцэг эхийн төлөөлөл оролцлоо.
Баянзүрх дүүргийн 10 дугаар хороо нь сургуулийн насны 1410 гаруй хүүхэдтэй бөгөөд Ерөнхий боловсролын 142 дугаар сургууль ашиглалтад орсноор сургуульгүй байсан тус хороо төрийн өмчийн сургуультай болж байна.