Өнгөрөгч бямба гаригт Улаанбаатар-Дархан-Уул чиглэлийн замд дөрвөн удаагийн зам тээврийн ноцтой осол гарлаа. Эхний осол нь Сэлэнгэ аймгийн Баянгол сумын наана Мицубиши Галлант маркийн автомашин том оврын ачааны машинд шахуулан замын хажуу руу унаж хэд хэдэн удаа хөрвөөсөн байдалтай байв. Жолооч нь болох залуу, бүсгүй хоёр машиныхаа гадна талд байсан бөгөөд машинд байсан хүмүүсээ эмнэлэг рүү явуулчихсан гэж байсан юм. Том оврын ачааны машин гүйцэж түрүүлэх үед урд талаас нь машин гарч ирсэн тул уг машиныг замын хажуу руу шахан унагасан байна. Харамсалтай нь ачааны машины жолооч суудлын тэргийг замын хажуу руу унагачихаад зогсолгүй шууд давхиад явжээ. Эл өдөр мөн Төв аймгийн Баянчандмань сумын цаана приус 20 маркийн автомашин осолдсон байсан бөгөөд эздийг нь түрэгний тэргээр эмнэлэг рүү авч явсан байлаа. Тэгвэл Баянчандмань сумын наахан талд мөн л приус 20 маркийн автомашин замын хажуу руу орж онхолдсон байсан бөгөөд машинд нь хадаг уясан байдалтай байв. Уг зам тээврийн ослоос холгүйхэн нэг км ч хүрэхгүй газарт Ниссан Тийда маркийн суудлын машин замын голд бүтэн эргээд дөрвөн дугуй нь дээшээ харчихсан байдалтай байсан бөгөөд цагдаа, эмнэлгийнхнийг ирэхэд автомашинд хүн байгаагүй аж. Цагдаагийн байгууллагынхан зорчигчдыг эмнэлэг рүү авч явсан болохыг тогтоож түргэний эмч нарт хэлээд сумын эмнэлэг рүү явууллаа. Урин дулааны цаг ирж байгаатай холбогдуулан хөдөө гадаа автомашинаар зорчихдоо хурд хэтрүүлэлгүй явахыг цагдаагийн ажилтнууд анхааруулж байсан юм.
Э.ЭНХ