Тээврийн цагдаагийн албаны жижүүрийн шуурхай удирдлагын хэлтэст энэ сарын 20-ны 15:05 цагт ачилтын компанийн жолооч осол гаргасан тухай дуудлага мэдээлэл иржээ.
Дуудлагын дагуу шалгалтын ажиллагаа явуулахад Чингэлтэй дүүргийн нэгдүгээр хорооны нутаг дэвсгэрт тээврийн хэрэгсэл ачиж зөөвөрлөх үйл ажиллагаа эрхэлдэг “Бат зэв” ХХК-ийн Киа бонго маркийн автомашины жолооч нь G Mobile төвийн байрыг мөргөж, зам тээврийн осол гаргасан байв. Мөрдөн шалгах ажиллагаа явуулж байна гэж Тээврийн цагдаагийн албанаас мэдээллээ.