Өнөөдөр банкуудын нээлттэй өдөрлөгийг Д.Сүхбаатарын талбайд зохион байгуулж байна.
Монгол Улсад банкны тогтолцоо үүсч хөгжсөний 95 жилийн ойн өдөрлөгт Монголбанк, ХААН банк, Худалдаа хөгжлийн банк, Голомт, Ариг, Хас зэрэг банкууд оролцож байна. “Хөгжилд түүчээлсэн 95 жил” өдөрлөг 12:00-16:00 цагийн хооронд болох бөгөөд хүүхдүүдэд бэлэг гардуулахаас гадна төрөл бүрийн тоглоом дээр үнэгүй тоглуулах аж. Мөн банкны үйлчилгээний танилцуулгыг хийж, харилцагчдад хэрэгтэй бүхий л мэдээллийг нэг дороос өгч байна.