Төв аймгийн Зуунмод сумын Баянхошуу багийн 15 дугаар гудамжид байшингийн дээвэр шатаж байна гэсэн дуудлага мэдээлэл энэ сарын 28-ны өдрийн 13:04 цагт ОБГ-т ирсэн байна.

Дуудлагын дагуу тус аймгийн Онцгой байдлын газрын Гал түймэр унтраах, аврах 24 дүгээр ангийн алба хаагчид 2 км замыг туулан 13:08 цагт очиход иргэн И-ын 9х8 метрийн хэмжээтэй байшин, үүдний амбаарын хамт шатаж байсныг 43 минут ажиллаж унтраасан. Тус гал түймэрт иргэн И /64 настай, эрэгтэй/ өртөж нас барсан байсныг цогцсыг аймгийн Цагдаагийн газарт шилжүүлэн өгсөн.

Нийслэлийн Сонгинохайрхан дүүрэг VI хорооны нутаг дэвсгэр дэх Тоосгоны 13 дугаар гудамжинд байшин шатаж байна гэсэн дуудлага хоёрдугаар сарын 7-ны 17:05 цагт ирсэн байна.

Дуудлагын дагуу тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчдыг очиход иргэн Г-ын 5х6 метрийн хэмжээтэй байшин шатаж байсныг унтраасан байна. Уг гал түймэрт 62 настай эрэгтэй өртөж нас барсан тул цогцсыг Цагдаагийн байгууллагад шилжүүлэн өгсөн гэж ОБЕГ-аас мэдээлэв.