Өнгөрөгч сар шинийн баярын өдрөөр нийслэлийн Баянгол дүүргийн нутагт гэртээ ганцаараа байсан 12 настай хүүг гарыг нь хүлж гэрээс нь эд зүйлс дээрэмдсэн хэрэг гарчээ.
Хэргийг тус дүүргийн цагдаагийн нэгдүгээр хэлтэст шалгаж байгаа ба хэргийг Сэлэнгэ аймгийн Сүхбаатар сумын хоёрдугаар багт оршин суух 29 настай эрэгтэй Б үйлдсэн нь тогтоогджээ. Сэжигтэн Б нь хүүгийн гарыг хүлж гэрээс нь манан хөөрөг, ”Samsung” маркийн гар утасыг дээрэмдсэн байна. Тиймээс ард иргэдийг бага насны хүүхдийг хараа хяналтгүй орхихгүй байхыг цагдаагийн байгууллагаас анхаарууллаа.