“Өдрийн сонин”-ы лхагва гаригийн дугаар 20 нүүрээр хэвлэгдэн уншигч таны гарт хүрч байна. Энэ дугаарт гарсан нийтлэл, сурвалжлага, ярилцлагаас онцолж, тоймлон хүргэхэд Азийн зүүн бүсийн эрэгтэйчүүдийн волейболын аварга шалгаруулах тэмцээн манай улсад болж байгаа. Өнгөрсөн ням гаригт эхэлсэн энэ удаагийн тэмцээнд Азийн зүүн бүсэд харьяалагддаг найман улс анх удаа бүрэн бүрэлдэхүүнээрээ оролцож буйгаараа онцлогтой. Энэ талаар “Өдрийн сурвалжлага” буланд онцолж “Буянт-Ухаа” цогцолбороос сурвалжлан хүргэж байна.
“Өдрийн сонин”-ы нийтлэлийн бодлогыг тодорхойлдог “Баримт, үзэл бодол” нүүрт Баабарын “Эх орончид цагийн дуудлагаар гарч ирдэг” нийтлэл хэвлэгдэв. “Улс төр” нүүрээс гишүүн Д.Ганбатын “Сайд нар хүнээс хэрүүл гуйж суух завтай байгааг нь гайхаж байна”, сайд Д.Оюунхорол “Тарьсан модоо ургуулах нь бидний хүрэх үр дүн байх ёстой” ярилцлага, Шаардлага хангаагүй эм, эмнэлгийн хэрэгслийг зах зээлээс эргүүлэн татах эрх зүйн орчин бүрдэнэ, Хоёр төсөл байнгын хорооноос дэмжлэг авав, Шүүхийн шийдвэр гүйцэтгэх тухай хуулийг хэлэлцэж, гишүүд хэрэлдэв, Японы буцалтгүй тусламжаар сургалтын эмнэлэг барина зэрэг улс төрийн хүрээний мэдээ мэдээллийг уншаарай.
Эдийн засгийн нүүрэнд “Оюу толгой хөдлөх сургаар төгрөг чангарсан өдрүүд” буюу эдийн засгийн эргэн тойронд болж буй үйл явдлыг нийтэллээ. Мөн Монголбанкнаас сар болгон гаргадаг орон сууцны үнийн индексийн мэдээ болон мах экспортлох болсон талаар цаг, үе үйл явдлын мэдээ мэдээлэл хэвлэгдэв.
“Баримт, үйл явдал” нүүрэнд “Х.Тэмүүжингээс өмнө хуулийн салбар ямар байсан тэр дүр төрхөндөө орж эхэллээ” болон “Таггүй траншейнд дахин нэг хүн амиа алдлаа” зэрэг цаг үеийн мэдээ мэдээллийг уншаарай.Харин “Экологи” буланд “UBT” компанийн ерөнхий захирал Х.Болдбаатартай хийсэн ярилцлагыг нийтэллээ. Тэрбээр мод тарих үндэсний өдрийн хүрээнд хэрэгжүүлсэн ажлууд болон ер нь мод тарихад анхаарах зүйлсийн талаар мэргэжлийн зөвлөгөө, шинэ санаануудыг танилцуулсан юм. “Соёл, урлаг” буланд ч сонирхол татам мэдээ, мэдээлэл, ярилцлагууд нийтлэгдсэнийг та унших болно. Тухайлбал, Б.Цогтбаярын “Мөнгөө хурааж байгаад сайн бүтээл хийнэ байх гэж залуустаа найдаж байгаа” гэсэн ярилцлага болон Ингээд байвал “Муза нь гомдчих байх даа” нийтлэл хэвлэгдсэн бий.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ