Монголын жүдо бөхийн холбооны тамирчид ээлжит тэмцээндээ оролцохоор өнөөдөр эх орноосоо мордлоо. Тэд энэ сарын 25-26-нд Тайванийн Тайпей хотноо болох “Asian Judo Open” буюу Азийн нээлттэй тэмцээнд оролцох юм. Тус тэмцээнд манай улсаас эрэгтэйчүүдийн 66 кг-д энэ оны УАШТ-ий хүрэл медальт М.Ганболд болон өнгөрсөн сард ОХУ-ын Минусинск хотноо болсон ОУТ-ээс хүрэл медаль хүртсэн Б.Эрхэмбаяр нар өрсөлдөхөөр боллоо. Харин эмэгтэйчүүдийн 48 кг-д энэ оны улсын аварга Э.Гэрэлмаа, 57 кг-д Б.Баасанжаргал нар барилдана. Тэдэнтэй хамт хашир туршлагатай мастер П.Лхамдэгд өрсөлдөнө.
М.Ууган