Азийн хөгжлийн банк Монгол Улсад олгож буй 287 сая ам.долларын хөнгөлөлттэй зээл болон буцалтгүй тусламжийн хөтөлбөрийн багцаа өчигдөр баталлаа.
Үүнд цахилгаан, дулаан хангамжийн томоохон хөрөнгө оруулалт, хөгжлийн
бэрхшээлтэй иргэдийн ажлын байр бий болгох, амьжиргааны түвшинг
дээшлүүлэхэд чиглэсэн голлох төсөл байгаа аж.
АХБ он гарсаар “Эрдэнэс Монгол” компанийн засаглал, менежментийн
чадавхыг бэхжүүлэх төсөл, Замын-Үүд, Алтанбулаг болон Бичигтийн хилийн
боомтыг сайжруулах, Арвайхээр, Даланзадгад, Сайншанд, Цэцэрлэг хотуудад
бохир ус цэвэрлэх байгууламж барих гурван төсөлд хөнгөлөлттэй зээл олгоод байгаа юм.
Одоогоор АХБ манайд 953 сая ам.долларын 23 хөнгөлөлттэй зээл, 12
буцалтгүй тусламж, 35 техник туслалцааны хөтөлбөр хэрэгжүүлээд байгаа
билээ.
АХБ сүүлийн 25 жилийн хугацаанд монголд хоёр тэрбум ам.долларын санхүүжилт олгожээ.