Хан-Уул дүүргийн 16 дугаар хороо,
Буянт-Ухаа 1 хорооллын авто замын зорчих хэсэгт автобус суудлын
автомашинтай мөргөлдөж осол гарчээ.
Дуудлагын дагуу ослын газар Аврах ангийн 7
албан хаагч, 2 техник хэрэгсэлтэйгээр ажиллажээ. Hyundai загварын дунд
оврын автобус Hyundai Verna загварын суудлын автомашин, Toyota Prius 20
загварын суудлын автомашинуудыг мөргөж, Х /40 настай эрэгтэй/, Я/39
настай, эмэгтэй/ нар хүнд бэртсэн байсныг НТТТ-ийн эмчид хүлээлгэн
өгсөн байна.
Мөн автобусанд зорчиж явсан 21 хүүхдэд
эмнэлгийн анхан шатны үзлэг хийж, хүнд гэмтсэн Э /12 настай, эмэгтэй/,
хөнгөн гэмтсэн Г /12 настай, эрэгтэй/, С /2 настай, эрэгтэй/ нарыг
ГССҮТ-д хүлээлгэн өгчээ. Уг хэргийг цагдаагийн байгууллагад шалгаж
байна.