Хэнтий аймгийн Цэнхэрмандал суманд Согоот багийн Устын хоолой гэдэг газар 2 автомашин мөргөлдөж хүн хавчуулагдсан байна. Энэ талаар Багануур дүүргийн Онцгой байдлын газарт 2025 оны нэгдүгээр сарын 02-нд 17:05 цагт дуудлага өгчээ.

Багануур дүүргийн Онцгой байдлын хэлтсийн 64 дүгээр ангийн алба хаагчдыг очиход “Sonata” загварын автомашин, “Land Cruiser Prado” загварын автомашинууд мөргөлдсөн байжээ. “Sonata” загварын автомашины жолооч “А” 40 настай, эрэгтэй нь автомашины төмөр хийцэд хавчуулагдсан байсныг эсэн мэнд гарган, Багануур дүүргийн ЯТТ-ийн их эмчид хүлээлгэн өгсөн гэж Онцгой байдлын газраас мэдээллээ.

Ховд аймгийн Манхан сумын Төгрөг багийн Гурван замын уулзвар гэх   газар ачааны хоёр автомашин мөргөлдөж, автомашины төмөр хийцэд нэг хүн хавчуулагдсан байна.

Энэ тухай дуудлага мэдээлэл энэ сарын 15-ны өдрийн 23:00 цагт ОБГ-т ирсэн бөгөөд тус аймгийн Онцгой байдлын газрын Манхан сум дахь Эрэн хайх, аврах бүлгийн алба хаагчдыг очиход Манхан сумаас Жаргалант сумын чиглэлд зорчиж явсан иргэн Т-ын “Портер” загварын автомашин, Жаргалант сумаас Мөнххайрхан сумын чиглэлд зорчиж явсан иргэн М-ын “Бонго” загварын ачааны автомашинтай мөргөлдөж, “Портер” загварын ачааны автомашины жолооч Т автомашиныхаа бүхээгт хавчуулагдсан байсныг 20 минут ажиллан эсэн мэнд гаргаж, Манхан сумын Эрүүл мэндийн төвийн эмчид хүлээлгэн өгсөн байна.