Author: Админ

Categories
мэдээ нийгэм цаг-үе

Хангайн уулархаг нутгаар хур тунадас, говийн бүс нутгаар бороо орно DNN.mn

Өнөөдөр ихэнх нутгаар хүйтэрч, Хангайн уулархаг нутгаар хур тунадас, говийн бүс нутгаар бороо орно.

2024 оны есдүгээр сарын 19-ний 08 цагаас 20 цаг хүртэл: Ихэнх нутгаар үүлшинэ. Баруун аймгуудын нутгийн зүүн, төвийн аймгуудын нутгийн баруун болон өмнөд, говийн аймгуудын нутгийн өмнөд хэсгээр бороо, нойтон цас орно. Бусад нутгаар хур тунадас орохгүй.

Салхи нутгийн зүүн өмнөд хэсгээр баруун өмнөөс баруун хойш эргэж, бусад нутгаар баруун хойноос секундэд 6-11 метр, говь, талын нутгаар түр зуур секундэд 16-18 метр хүрч ширүүснэ. Дархадын хотгор, Алтай, Хангай, Хөвсгөл, Хэнтийн уулархаг нутаг, Идэр, Эг, Үүр, Орхон, Сэлэнгэ, Хараа, Ерөө Туул, Тэрэлж, Хэрлэн, Онон, Улз голын хөндийгөөр 4-9 хэм, Алтайн өвөр говиор 18-23 хэм, говийн бүс нутгийн зүүн өмнөд хэсэг болон Дарьгангын тал нутгаар 13-18 хэм, бусад нутгаар 8-13 хэм дулаан байна.

2024 оны есдүгээр сарын 20-ноос 2024 оны есдүгээр сарын 24-нийг хүртэлх цаг агаарын урьдчилсан төлөв

20-нд Хангайн уулархаг нутаг, Дарьгангын тал газар, говийн бүс нутгийн зүүн хэсгээр бороо, нойтон цас орно. Бусад хугацаанд хур тунадас орохгүй. Салхи 23-нд Алтайн салбар уулсаар секундэд 14-16 метр хүрч ширүүснэ. Хугацааны эхээр ихэнх нутгаар хүйтэрч шөнөдөө Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө 6-11 хэм хүйтэн, өдөртөө 1-6 хэм дулаан, Эг, Үүр, Орхон, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө цочир хүйтэрч 0-5 хэм хүйтэн, өдөртөө 5-10 хэм, Их нууруудын хотгор болон говийн бүс нутгийн өмнөд хэсгээр шөнөдөө 4-9 хэм, өдөртөө 12-17 хэм, бусад нутгаар шөнөдөө 1 хэм хүйтнээс 4 хэм дулаан, өдөртөө 8-13 хэм дулаан байна. 21-нд нутгийн баруун хэсгээр, цаашдаа ихэнх нутгаар дулаарна.

Categories
мэдээ улс-төр цаг-үе

Орон нутгийн сонгуулийн саналын хуудас хоёр хэсэгтэй байна DNN.mn

Аймаг, нийслэл, сум, дүүргийн Иргэдийн төлөөлөгчдийн хурлын 2024 оны ээлжит сонгууль ирэх сарын 11-нд товлогдсон.

Сонгуулийн бэлтгэл ажлыг хуваарийн дагуу Сонгуулийн хорооноос орон нутгийн сонгуулийн саналын хуудасны загварыг батлаад буй. Энэ удаагийн сонгуулийн саналын хуудас нь хоёр хэсэгтэй бөгөөд дээд талд нь тухайн аймаг, нийслэлд нэр дэвшигчдийн нэрс, доод хэсэгт нь сум, дүүрэгт нэр дэвшигчдийн нэрс байх аж. Өөрөөр хэлбэл, нэг саналын хуудсаар хоёр шатны иргэдийн төлөөлөгчийг сонгох юм.

Мөн орон нутгийн сонгуулийн санал хураалтын нэг онцлог нь сонгогч мандатын тооноос илүүгүй нэр дэвшигчийг дугуйлж болно. УИХ-ын сонгуульд нэр дэвшигчдийг мандатын тоотой тэнцүү тоогоор дугуйлж байж саналын хуудас хүчинтэйд тооцогдож байсан. Харин орон нутгийн сонгуулийн хувьд мандатын тооноос илүүгүй буюу цөөн хүн дугуйлж болох онцлогтой.

Categories
мэдээ нийгэм цаг-үе

Б.Нарантуяа Дэлхийн цомоос хүрэл медаль хүртлээ DNN.mn

Монгол Улсын нийслэл Улаанбаатар хотод снукер билярдын 15 улааны Дэлхийн цомын анхдугаар тэмцээн есдүгээр сарын 14-19-ний өдрүүдэд болж байгаа бол 6 улааны дэлхийн аварга шалгаруулах тэмцээн есдүгээр сарын 21-25-ны өдрүүдэд болох юм.

Дэлхийн цомын тэмцээнд 20 орны нийт 76 тамирчин өрсөлдөж байгаа бол манай улсаас дээрх тэмцээнд дасгалжуулагч Д.Амаржаргал, Б.Шинэбаярын удирдалага дор 16 тамирчин өрсөлдөж байна.

Энэ тэмцээний эмэгтэйчүүдийн хагас шигшээ шатанд Монголын тамирчин Б.Нарантуяа Хонгконгийн тамирчин, снукер бильярдын дэлхийн зургаан удаагийн аварга, Ази тивийн аварга, Азийн наадмын хүрэл медальт Нг Он-Итэй өрсөлдөж, ялагдсанаар хүрэл медаль дээр буулаа. Б.Нарантуяа нь дэлхийн хүрэл медалиас гадна снукер бильярдын 2023 оны ДАШТ-ий хүрэл, 2022 оны Азийн АШТ-ээс хүрэл медаль хүртэж байв. Тэрбээр есдүгээр сарын 21-25-нд болох ДАШТ-д өрсөлдөх юм.

Categories
мэдээ цаг-үе

ЗУРХАЙ: Өнөөдөр нохой өдөр DNN.mn

Аргын тооллын есдүгээр сарын 19, Бархасбадь гариг. Билгийн тооллын 16, Дэлгэрүүлэгч одтой, улаан нохой өдөр. Өдрийн наран 06:35 цагт мандаж 18:57 цагт жаргана. Тухайн өдөр бар, морь жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хишиг даллага дуудуулах, насан бүтээл хийлгэх, хүүхэд үрчлэн авах, гэр, байшингийн суурь тавихад сайн. Эрдэнийг гадагш өгөх, нүүдэл суудал хийх, хэрүүл тэмцэл хийхэд муу.

Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой.

Үс шинээр үргээлгэх буюу засуулахад тохиромжгүй

 

Categories
мэдээ цаг-үе

Улаанбаатарт өдөртөө 7 хэм дулаан байна DNN.mn

Хур тунадас: Ихэнх нутгаар үүлшинэ. Шөнөдөө баруун болон төвийн аймгуудын нутгийн зарим газраар, өдөртөө баруун болон говийн аймгуудын нутгийн зүүн, төвийн аймгуудын нутгийн өмнөд хэсгээр бороо, нойтон цас орно. Бусад нутгаар хур тунадас орохгүй.

Салхи: Нутгийн зүүн өмнөд хэсгээр баруун өмнөөс баруун хойш эргэж, бусад нутгаар баруун хойноос секундэд 7-12 метр, говь, талын нутгаар түр зуур секундэд 16-18 метр хүрч ширүүснэ.

Агаарын температур: Ихэнх нутгаар хүйтэрч Шөнөдөө Дархадын хотгор, Монгол-Алтай, Хөвсгөлийн уулархаг нутаг болон Тэс, Эг, Үүр голын хөндийгөөр -5…-10 градус, Увс нуурын хотгор, Хангай, Хэнтийн уулархаг нутаг болон Завхан голын эх, Хүрэнбэлчир орчим, Идэр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр 0…-5 градус хүйтэн, говийн бүс нутгийн баруун хойд хэсэг, Дорнод-Монголын тал нутгаар +3…+8 градус, говийн бүс нутгийн зүүн өмнөд хэсгээр +8…+13 градус, бусад нутгаар -1…+4 градус, өдөртөө Дархадын хотгор, Алтай, Хангай, Хөвсгөл, Хэнтийн уулархаг нутаг, Идэр, Эг, Үүр, Орхон, Сэлэнгэ, Хараа, Ерөө Туул, Тэрэлж, Хэрлэн, Онон, Улз голын хөндийгөөр +4…+9 градус, говийн бүс нутгийн зүүн өмнөд хэсэг болон Дарьгангын тал нутгаар +13…+18 градус, бусад нутгаар +8…+13 градус дулаан байна.

УЛААНБААТАР ХОТ ОРЧМООР: Үүлшинэ. Шөнөдөө ялимгүй хур тунадас орно, өдөртөө хур тунадас орохгүй. Салхи баруун өмнөөс баруун хойш эргэж секундэд 8-13 метр. Хүйтэрч шөнөдөө 0 градус орчим, өдөртөө +6…+8 градус дулаан байна.

БАГАНУУР ОРЧМООР: Үүлшинэ. Шөнөдөө ялимгүй хур тунадас орно, өдөртөө хур тунадас орохгүй. Салхи баруун өмнөөс баруун хойш эргэж секундэд 8-13 метр. Хүйтэрч шөнөдөө -1…-3 градус хүйтэн, өдөртөө +6…+8 градус дулаан байна.

ТЭРЭЛЖ ОРЧМООР: Үүлшинэ. Шөнөдөө ялимгүй хур тунадас орно, өдөртөө хур тунадас орохгүй. Салхи баруун өмнөөс баруун хойш эргэж секундэд 8-13 метр. Хүйтэрч шөнөдөө -3…-5 градус хүйтэн, өдөртөө +4…+6 градус дулаан байна.

Categories
мэдээ нийгэм нүүр-хуудасны-онцлох онцлох-нийтлэл

ТОЙМ: Нэрт нийтлэлч Б.Цэнддоогийн “Зарагдсан саналыг буцаахгүй” нийтлэл хэвлэгдлээ DNN.mn

“Өдрийн сонин”-ы пүрэв гаригийн дугаар хэвлэгдэж, та бүхний гарт хүрч байна. 

“Өдрийн сонин”-ы тэргүүн нүүрт Боловсролын сайд  П.Наранбаяр “Боловсролын салбарт илүү чадварлаг, мэргэшсэн багш нарыг авах, тогтвор суурьшилтай ажиллах тал дээр маш сайн анхаарна” хэмээснийг “Улс төр” нүүрээс үргэлжлүүлэн уншаарай.

  • Ерөнхийлөгч асан Ц.Элбэгдоржийн өдрийн тэмдэглэл нийтлэгдлээ.
  • АН-ын бүлгийн зөвлөх, эрх зүйч Х.Номингэрэл “Эрүүгийн хуулийг үзэл бодлоо илэрхийлэх, хэвлэн нийтлэх эрхийг боомилох арга хэрэгсэл болгон ашиглаж байна” гэв.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт нэрт нийтлэлч Б.Цэнддоогийн “Зарагдсан саналыг буцаахгүй” нийтлэл хэвлэгдлээ.

  • Цахим залилангийн хохирогч “Даалгавар биелүүлсэн ашгийн мөнгө орж ирэхээр нь итгээд 47 сая төгрөгөө алдлаа” гэлээ.

“Баримт, үйл явдал”-ын VII нүүрт “Пассив барилгын хүрээлэн”-гийн ерөнхийлөгч, олон улсын Барилгын зөвлөх, сургагч багш Н.Ганбаа “Агааржуулалтаа сайжруулбал дулаан байхаас гадна эрчим хүчээ хэмнэх болoмжтой” хэмээн ярилаа.

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы пүрэв гаригийн дугаараас уншаарай.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://tsahim.dnn.mn/login

Эрхэм уншигч та, манай сонины өнөөдрийн дугаарыг “Монгол шуудан” компанийн(77078975) нийслэл Улаанбаатар дахь 35 салбар, “Түгээмэл” шуудангийн салбаруудаас(70115015) болон сонин борлуулах цэгүүд, Хэвлэлийн биржээс худалдан авах боломжтой. “Өдрийн сонин”-ы өөрийн байранд ирж худалдан авч болно.

Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.

Цахим хэлбэрээр нь захиалахыг хүсвэл 88111375 дугаарт холбогдож дэлгэрэнгүй мэдээлэл аваарай.

“Өдрийн сонин”-той холбоотой мэдээ мэдээллийг 1900-1987-гоос лавлана уу

 

“ӨДРИЙН СОНИН” ӨГЛӨӨ БҮР ТАНТАЙ ХАМТ

Categories
мэдээ нийгэм

Хүнд жинтэй, урт бүрэлдэхүүнтэй галт тэргийг “Тавантолгой-Гашуунсухайт” чиглэлд туршилтаар аялууллаа DNN.mn

“Тавантолгой төмөр зам” ХХК 8028 тонн жинтэй, 92 вагон бүхий ачаатай галт тэргийг есдүгээр сарын 15-ны өдөр Тавантолгой- Гашуунсухайт чиглэлд туршилтаар аялууллаа.

Энэ нь манай компанийн хувьд хүнд жинтэй, урт бүрэлдэхүүнтэй галт тэргийг Тавантолгой-Гашуунсухайт чиглэлд аялуулж байгаа анхны тохиолдол юм.

Хүнд жинтэй, урт бүрэлдэхүүнтэй галт тэргийг аялуулснаар тээн нэвтрүүлэх чадварыг өсгөн вагон эргэлтийг сайжруулахаас гадна төмөр замын тээврийн хэмжээг нэмэгдүүлэх эдийн засгийн өндөр үр өгөөж бүхий олон талын ач холбогдолтой байдаг.

Уг галт тэрэг нь Тавантолгой өртөөнөөс Гашуунсухайт өртөө хүртэл 3 цаг 43 минут аялж ирсэн.

8028 тонн жинтэй галт тэргийг АНУ-ын SD70Ace серийн хос зүтгүүрээр татахад зүтгүүрийн хүчний нөөц ихтэй, өндөр хурдтай аялж байгаа нь цаашид хүнд жинтэй, урт бүрэлдэхүүнтэй галт тэргийг үргэлжлүүлэн аялуулах бүрэн боломжтойг харуулж байгаа юм гэж “Тавантолгой төмөр зам” ХХК-иас мэдээллээ. 

Categories
мэдээ нийгэм цаг-үе

Өнөө шөнө Хөвсгөл, Орхон аймгийн нутгаар хөрсөн дээр -5 градусыг давж цочир хүйтэрнэ DNN.mn

Хөвсгөл, Орхон аймгийн нутгаар хөрсөн дээр -5 градусыг давж цочир хүйтэрнэ.

Энэ сарын 18-19-нд шилжих шөнө Булган, Дархан-Уул аймгийн нутаг, Төв аймгийн баруун хойд, Хэнтийн хойд хэсгээр хөрсөн дээр 0…-5 градус хүрч цочир хүйтрэхийг урьдчилан сэрэмжлүүлж байна.

Мөн өнөө шөнө Хангайн уулархаг нутгаар нойтон цас орж, ихэнх нутгаар хүйтэрч, говь, талын нутгаар салхи шуургатай байхыг анхааруулж байна.

Categories
мэдээ нийгэм

Улсын нэгдсэн төсвийн нийт орлого 30.4 хувиар өсчээ DNN.mn

Монгол Улсын нийгэм, эдийн засгийн 2024 оны эхний наймдугаар сарын үзүүлэлтийг Үндэсний статистикийн хорооноос танилцууллаа.

Улсын нэгдсэн төсвийн нийт орлого, тусламжийн хэмжээ 2024 оны эхний наймдугаар сарын урьдчилсан гүйцэтгэлээр 19.9 их наяд төгрөгт хүрч, өмнөх оны мөн үеэс 4.6  их наяд төгрөг, тэнцвэржүүлсэн орлого тусламжийн хэмжээ 18.9 их наяд төгрөгт хүрч, 4.3 их наяд төгрөгөөр тус тус өссөн байна. Нийт зарлага, эргэж төлөгдөх цэвэр зээлийн хэмжээ 2024 оны эхний наймдугаар сард 17.3 их наяд төгрөгт хүрч, тэнцвэржүүлсэн тэнцэл 1.6 их наяд төгрөгийн ашигтай гарчээ.

Татварын нийт орлого энэ оны эхний наймдугаар сард 17.7 их наяд төгрөгт хүрч, өмнөх оны мөн үеэс 4.1 их наяд төгрөгөөр өсөхөд орлогын албан татварын орлого 2.2 их наяд төгрөг, нэмэгдсэн өртгийн албан татвар 823.7 тэрбум төгрөг, нийгмийн даатгалын орлого 474.1 тэрбум төгрөг, гадаад үйл ажиллагааны орлого 209.4 тэрбум төгрөг, онцгой албан татвар 196.5 тэрбум төгрөгөөр тус тус өссөн нь голлон нөлөөлжээ.

Татварын нийт орлогын 33.6 хувийг орлогын албан татвар, 21.2 хувийг нэмэгдсэн өртгийн албан татвар,16.1хувийг нийгмийн даатгалын орлого, 6.5 хувийг гадаад үйл ажиллагааны орлого, 4.1хувийг онцгой албан татварын орлого, 18. 5 хувийг бусад төрлийн татвар, төлбөр, хураамжийн орлого тус тус бүрдүүлсэн талаар Үндэсний статистикийн хорооноос мэдээллээ.

Categories
мэдээ нийгэм

“Ургац-2024” үзэсгэлэн худалда зохион байгууллаа DNN.mn

Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөн, ”Хүнсний хангамж-аюулгүй байдал” хөтөлбөрийн хэрэгжилтийн хүрээнд Монгол цэргийн нэгдсэн холбооноос “Ургац-2024” үзэсгэлэн худалдааг дөрөвдэх жилдээ өнөөдөр зохион байгууллаа.

Тус үзэсгэлэнд төрийн цэргийн болон хууль сахиулах байгууллагуудын тариаланч – ногоочин ахмад ажилтнууд оролцож, өөрсдийн тариалсан ногоо, жимс, жимсгэнэ болоод модны үр зэргийг олон нийтэд сурталчлан, худалдаа хийлээ.

Монгол цэргийн нэгдсэн холбооноос ХХАХЯ-ны Газар тариалан хүнс хөдөө аж ахуйн холбогдох газруудтай хамтран төрийн цэргийн болон хууль сахиулах байгууллагын ахмад настнуудын дунд жил бүрийн 4-5 дугаар сард хүнсний ногоо тарих арга аргачлал үрээр болон үрсэлгээгээр тарьж ургуулах, усалгаа, хамгаалалт зэрэг сэдвээр сургалтыг 2021 оноос хойш тогтмол зохион байгуулж байна.

“Ургац” арга хэмжээний хүрээнд дөрвөн жилийн хугацаанд нийт 120 гаруй мянган тонн хүнсний ногоо, жимс жимсгэнэ зэрэг тариалалтыг хураан авч, энэ хэмжээгээр өрхийн санхүүгийн хэрэгцээг дэмжин ажиллажээ.