2016-2017 оны хичээлийн жил эхлэхэд 10 хоног үлдээд байна. Энэ онд нийслэлд шинээр 30 гаруй сургуулийг багтаан ашиглалтад оруулж, сургуулийн хүчин чадал 3040 суудлаар нэмэгдэх төлөвлөгөөтэй ажиллаж байгаа талаар Ниислэлийн Засаг дарга С.Батболд мэдээлсэн.
Энэ хүрээнд ирэх сарын 1-10-ны хооронд хүүхдүүдээ хүлээн авах долоон бага сургууль, цэцэрлэгийн цогцолборын барилгын ажил дуусч, үйл ажиллагаагаа эхлүүлэхэд бэлэн болжээ. Гэсэн хэдий ч шилжилт хөдөлгөөнөөс хамаарч, цэцэрлэгүүдэд ачааллаа даахгүй, нэг ангид хичээллэх хүүхдийн тоо стандартаасаа давсаар байна.
Иймээс ирэх хичээлийн жилд нийслэл цэцэрлэгүүдийн суудлын тооны 20 хувийг зорилтот бүлэгт, 80 хувьд нь тусгай талон тарааж, сугалаа явуулахаас өөр аргагүй болоод байгаа аж. Мөн энэ үеэр авлига өгч, авдаг гэсэн гомдол их гардаг учраас Авлигатай тэмцэх газартай хамтран хяналт тавьж ажиллахаар болжээ.