Сирийн Ерөнхийлөгч Башар аль Ассад ирэх дөрөвдүгээр сарын 13-ны өдөр парламентын сонгууль явуулахаар болсноо зарлажээ. Энэ удаагийн парламентын сонгуульд бүх нам оролцох боломжтой гэнэ. Сирийн парламент 250 суудалтай бөгөөд “Бат” нам олонхийг бүрдүүлдэг юм. Ойролцоогоор 20 гаруй нам сонгуульд өрсөлдөх гэнэ.
ОХУ-ын Ерөнхийлөгч В.Путин Сирийн сонгуульд ихээхэн найдвар тавьж буйгаа мэдэгджээ. 2012 оны тавдугаар сард Сирид парламентын сонгууль явагдаж, “Бат” нам ялалт байгуулсан юм. Сонгуулийн дүнтэй санал нэгдээгүй сөрөг хүчин 2011 онд дэгдээд байсан иргэний дайныг улам хурцатгасан билээ.
Ассад, сөрөг хүчний тэргүүн Риад Хижабыг Ерөнхий сайдаар томилсон ч эсэргүүцлийн жагсаал үргэлжилсээр байсан юм. Иргэний дайн, жагсаалын улмаас 250 мянган хүн амиа алдаж, дөрвөн сая иргэн дүрвэжээ.