Монголын улаан загалмайн нийгэмлэгээс хаваржилт хүндэрсэн аймгуудад зориулсан тусламжийн цуваа өчигдөр УБ хотоос гарсан. Архангай аймагт 11 тонн ачаа бүхий тусламжийн бүтээгдэхүүн өнөөдөр ирж аймгийн Улаан загалмайн хороо хүлээн авч, буулгасан байна. Өвөлжилт хүндрээд буй таван сумын 240 гаруй өрхийн хоёр сарын хэрэглээ уг тусламжаар иржээ.Тодруулбал гурил, цагаан будаа, элсэн чихэр, ургамлын тос, цай зэрэг бүтээгдэхүүн байгаа аж.
Бүтээгдэхүүнийг аймгийн мэргэжлийн хяналтын газраас шинжилж дуусмагц дээрх таван суманд хүргэх ажил эхлэнэ.Тусламжийг өвөлжилт хүндэрсэн сумдад хүргэх, нөхцөл байдалтай биечлэн танилцах, дараагийн арга хэмжээг авах ажлыг аймгийн удирдлагууд хэрэгжүүлэх ажээ.