УИХ-ын чуулганы нэгдсэн хуралдаанаар арилжааны банкуудыг дахин хөрөнгөжүүлэх тухай асуудлыг хаалттай хэлэлцлээ. Уг асуудлыг үдээс өмнөх болон үдээс хойших хуралдаанаар хэлэлцсэн юм. Энэ талаар удахгүй Монгол банкнаас мэдээлэл өгөх аж.
Манай улс ОУВС-гийн Өргөтгөсөн санхүүгийн хөтөлбөрт хамрагдсантай холбогдуулан өнгөрсөн онд арилжааны банкуудад активын чанрын үнэлгээ оруулсан. Активын чанрын үнэлгээгээр манай дотоодын арилжааны банкуудад өөрийн хөрөнгийн хэмжээгээ нэмэгдүүлэх шаардлагатай гэсэн дүгнэлт гарсан билээ. Энэ дагуу Төв банкнаас бодлогын арга хэмжээ авахаар ажиллаж байгаа аж.