Их Британийн Ерөнхий сайд агсан Уинстон Черчиллийн зурсан зураг Кристи дуудлага худалдааны газар 11.5 сая ам.доллараар зарагджээ. “Кутубиагийн сүмийн цамхаг” /Tower of the Koutoubia Mosque/ нэртэй уг зургийг Уинстон Черчилль тухайн үедээ АНУ-ын Ерөнхийлөгч Франклин Рузвельтэд бэлэглэж байсан аж. Энэ зураг өөр, өөр эздийн гар дамжсаар Холливудын жүжигчин Анжелина Жолид ирж, одоо зарагдаж байгаа нь энэ юм байна. Зургийг 2-3.5 сая ам.долларын үнэ хүрнэ гэж таамаглаж байсан ч ийнхүү огцом өссөн байна. Энэ зураг У.Черчиллийн бүтээлүүдээс хамгийн өндөр үнэ хүрсэн нь болжээ. У.Черчилль амьдрах хугацаандаа нэлээд зураг зурсан ч сая зарагддаг зураг бол Дэлхийн хоёрдугаар дайны үед зурсан ганц зураг нь гэдгээрээ онцгойрдог ажээ.
Жүжигчин Анжелина Жоли, Брэд Питтийн гэр бүл 25 сая ам.доллараар үнэлэгдэх урлагийн бүтээл эзэмшдэг байсны нэг нь энэ зураг. Тэд салсныхаа дараа өмчөө хувааж авсан ба Анжелина Жоли өөрт ирснийгээ ийнхүү дуудлага худалдаанд орууллаа. Бүтээлийг худалдан авагч нэрээ нууцлахыг хүсчээ.