Хөдөлмөр, нийгмийн хамгааллын сайд Х.Булгантуяа Америкийн Нэгдсэн Улсаас Монгол Улсад суугаа Элчин сайд Ричард Л.Буанганыг өнөөдөр хүлээн авч уулзлаа.
Уулзалтын үеэр хүүхдийн хөгжил, хамгаалал, хөдөлмөр эрхлэлт, тэр дундаа залуучууд, эмэгтэйчүүдийн хөдөлмөр эрхлэлтийг дэмжих, нийгмийн ажилтан болон хөдөлмөрийн хяналтын улсын байцаагчдын чадавх бэхжүүлэх зэрэг асуудлаар харилцан санал солилцлоо.
Элчин сайд Ричард Л.Буанган Хөдөлмөр, нийгмийн хамгааллын сайдаар томилогдсонд баяр хүргэж, өргөн хүрээнд нягт хамтран ажиллахаа илэрхийллээ.