Өнөөдөр “Лос Анжелес”-“Сакременто” багуудын тоглолтын өмнөх бие халаалтын хэсгийг нутгийн сагсчид “I cant breathe” гэсэн бичээс бүхий хар өнгийн цамц өмсч эхлүүллээ. Гол зорилго нь хэд хонгийн өмнө “Чикаго” багийн холбогч Деррик Роузын эхлүүлж “Бруклин”, “Кливленд”-ийн сагсчид үргэлжлүүлсэн нэгэн буухиаг дэмжиж буйгаа илэрхийлсэн үйлдэл гэв. Эрик Гарнер хэмээх 43 настай хар арьстай эрийг цагдаа нар боомж амийг нь хөнөөсөн хэргийг олон нийтийн анхааралд хандуулахын тулд ” би амьсгалж чадахгүй байна” гэх утга бүхий бичигтэй богино цамц өмсч байгаа ажээ.
Б.Хулан