“Алматы-2016” олимпийн эрхийн оноо олгох
сүүлчийн Гран При тэмцээний 70 кг-ийн жинд ОУХМ Цэнд-Аюушийн
Наранжаргал аваргын төлөө шалгаран үлдлээ. Тэрбээр хагас шигшээд
БНХАУ-ын бөхөөс цаг дуусахаас 5 секундын өмнө юүко үнэлгээ авч ялсан
байна. Ингэснээр тэрбээр Францын бөхтэй аваргын төлөө барилдахаар болсон
байна. Мөн Үндэсний шигшээ багийн тамирчин ОУХМ Цэнд-Аюушийн
Цэрэннадмид Алматыгийн Гран При тэмцээний 63 кг-ийн жинд аваргын төлөө
өрсөлдөхөөр шалгаран үлдлээ. Тэрбээр хагас шигшээд Шведийн Мия
Херманссонг боох мэхээр цэвэр ялж, шигшээ барилдаанд шалгарчээ. Түүнтэй
аваргын төлөө Францын Марге Пинот барилдахаар болсон байна.
Харин 73 кг-ийн жинд барилдсан гавьяат
тамирчин Сайнжаргалын Ням-Очир хагас шигшээд Лондонгийн олимпийн аварга
Гүржийн Лаша Шавдатуашвилид торгуулиар ялагджээ. Ингэснээр тэрбээр хүрэл
медалийн төлөө эзэн орны бөх Дидар Хамзатай хүч үзнэ.
Харин 81 кг-ийн жинд зодоглосон ОУХМ
Нямсүрэнгийн Дагвасүрэн хэсгийн аваргын төлөө Кыргызстаны бөхөд ялагдсан
ч дагах барилдаанд Молдавын бөхийг цэвэр ялснаар хүрэл медалийн төлөө
барилдахаар боллоо. Тэмцээний медалийн төлөөх барилдаанууд ETV, C1, SPS
телевизүүдээр Улаанбаатарын цагаар 20:00 цагаас шууд дамжуулна.