700 ширхэг байлдааны сумыг хууль бусаар олж авч, тээвэрлэсэн гэх хэргийг прокурорт шилжүүллээ.
Тодруулбал, нэр бүхий иргэн нь Хан-Уул дүүргийн 21 дүгээр хороо, Нисэхийн тойрогт байрлах Петоровис шатахуун түгээх станц дээр энэ оны дөрөвдүгээр сарын 11-ний өдөр … улсын дугаартай Тоёота Хариер маркийн тээврийн хэрэгсэлдээ их хэмжээний буюу 700 ширхэг байлдааны сумыг хууль бусаар олж авч, тээвэрлэж явсан гэх хэрэг гарчээ.
Эл хэрэгт иргэн Т.Д-г энэ оны долоодугаар сарын 29-ний өдөр Монгол Улсын Эрүүгийн хуулийн тусгай ангийн 20.4 дүгээр зүйлийн 1 дэх хэсэгт зааснаар эрүүгийн хэрэг үүсгэж яллагдагчаар татан мөрдөн шалгах ажиллагаа явуулж энэ оны 08 дугаар сарын 02-ны өдөр хэргийг шүүхэд шилжүүлэх саналтай Хан-Уул дүүргийн прокурорын газарт хүргүүлсэн байна.