Үндэсний статистикийн хорооноос Монгол Улсын нийгэм, эдийн засгийн тоон мэдээллийг танилцууллаа.
Манай улс энэ оны нэгдүгээр сард нийт 107 улстай худалдаа хийжээ. Гадаад худалдааны нийт бараа эргэлт 1.8 тэрбум ам.доллар, үүнээс экспорт 1.1 тэрбум ам.доллар, импорт 688 сая ам.доллар байна. Түүнчлэн гадаад худалдааны тэнцэл 389.7 сая ам.долларын ашигтай гарсан байна. Энэ нь өмнөх оны мөн үеэс 406.6 сая ам.доллароор өсөж, өмнөх сараас 172.9 сая америк доллароор буурчээ. Нийт бараа эргэлт өмнөх оны мөн үеэс 61.1 хувиар өссөн. Үүнд экспорт 99.7 хувиар, импорт 23.6 хувиар нэмэгдсэн нь нөлөөлсөн байна.