Манай орны ихэнх гол мөрөн өнөөдөр өдрийн байдлаар олон жилийн дундаж түвшинг 10-60 см, Улз голын дунд болон адгаар үерийн түвшинг 5-15 см давсан байна.
Ойрын өдрүүдэд нутгийн зарим хэсгээр түр зуурын аадар бороо орох тул жижиг гол, хуурай сайраар сүйтгэл ихтэй уруйн үер буух, гол мөрний усны түвшин нэмэгдэж, богино хугацаанд үерлэх магадлал өндөр байна. Иймд голын эрэг дагуу суурьшиж, нутаглаж буй малчид, тариаланчид, аж ахуйн нэгж байгууллага, иргэд, аялал зугаалгаар яваа иргэдийг үерийн аюулаас болгоомжтой байхыг Онцгой байдлын ерөнхий газраас анхаарууллаа.