Ардын уран зохиолч, төрийн шагналт зохиолч С.Дашдооровын “Өндөр эжий” туужийг “Итгэл марал” хэвлэлийн газраас дахин хэвлэжээ.
Тодруулбал, “Итгэл марал” хэвлэлийн газар “Сүүлийн үеийн зарим уран зохиолын боть номд багтсан “Өндөр эжий” туужийг 1973 онд хэвлэгдсэн “Айлын хүүхэн Алигэрмаа” номд орсон хувилбартай харьцуулахад, зөрүүтэй хэсгүүд байсан байна. Үүний улмаас “Айлын хүүхэн Алигэрмаа” номд орсон хувилбарыг засварласнаар ийнхүү хэвлэлээ. Ингэхдээ мөн зохиолчийн гараар зассан засварыг оруулсан байна. Цөөн хэдэн газар гараар зассан байсан ч Догоо авгайг тодотгох нэгэн хэсэг өөрчлөгдсөн. Мөн тус номд “Өндөр эжий” туужийн санааг яаж олж, хэрхэн бичсэн тухайгаа зохиолчийн тэмдэглэж үлдээсэн зохиол бүтсэн түүхийг нь хамтад нь багтаалаа” гэж цахим хуудастаа нийтэлсэн байна.