Зах худалдааны төвүүд ажиллаж эхлэхтэй холбогдуулан ариутгал хийгдэж, бараа татан авалтууд хийгдэж байна.
-Чингэлтэй дүүрэгт байрлах Эмэралд эрхэс, Жаргалант, Эрхэл, Чандмань, Алтай болон Давхар зэрэг хүнсний дэлгүүрүүд тус тус хяналт шалгалтад хамрагдлаа. Хяналт шалгалтад хамрагдсан хүнсний дэлгүүрүүдэд өндөг дууссан байна.
Баянгол дүүрэгт байрлах Гэгээ, Орхон, Хороолол, Барс-1, Барс-2 зэрэг захууд тус тус хяналт шалгалтад хамрагдлаа. Барс-2 захад худалдаалагдаж буй өргөн хэрэглээний бараа бүтээгдэхүүний жижиглэнгийн үнийн хувьд хонины ястай мах 9000, хонины цул мах 10500, үхрийн ястай мах 10000-10500, үхрийн цул мах 12500-13000, Алтан тариан дээдийн дээд гурил 2100, дээд гурил 1500, 1-р зэргийн гурил 1250, 2-р зэргийн гурил 900, цагаан будаа 2200, элсэн чихэр 2200, Монгол төмс 700, Монгол лууван 1000, Монгол сонгино 2800, Хятад сонгино 1500 төгрөгийн үнэтэй байна.
“Хэрэглэгчийн мэдээллийн төв”-д 2021 оны 2 дугаар сарын 16-ны өдрийн 12 цагийн байдлаар 115 утсанд 8, И-баримт аппликейшнээр 1 иргэн тус тус хандсан байна.