БНХАУ өнгөрсөн 3 дугаар сарын сүүлээр гадны бүх улстай хилээ хаасан. Тэгвэл ийнхүү эхний ээлжинд коронавирусийн халдварын тохиолдол багатай улсуудтай өнөөдрөөс эхлэн Европын 36 улсад хилээ нээхээр болжээ.
Тодруулбал Албани, Ирланд, Эстони, Австри, Болгар, Умард Македон, Бельги, Исланд, Польш, Дани, Герман, Франц, Финлянд, Нидерланд, Монтенегро, Чех, Хорват, Латви, Люксембург, Румын, Малта, Норвеги, Португал, Швед, Швейцарь, Серби, Кипр, Словак, Словени, Испани, Грек, Унгар, Итали болон Их Британи гэсэн улсууд багтсан байна.
Гэсэн ч гадаадаас ирсэн хүмүүсийг 14 хоногийн тусгаарлалтад байлгах журам хэвээр үйлчилнэ. Мөн хил хаахаас өмнө Хятадын виз авсан хүмүүсийн виз хүчингүй болох тул тус улс руу нэвтрэх хүсэлтэй хүмүүс шинээр визийн материал мэдүүлэх шаардлагатай .
Одоогийн байдлаар Хятадад коронавирусийн халдвар авч эмчлэгдэж байгаа 761 хүн байна.
Д.СУВД-ЭРДЭНЭ