УИХ-ын Өргөдлийн байнгын хороо өнөөдөр хуралдаж, 1072 хувьцааны асуудлаар салбарын яам, холбогдох албаныхны мэдээллийг сонсох байсан ч салбарын сайд нь эрүүл мэндийн шалтгаантай учраас хэлэлцэх асуудлыг хойшлуулах саналыг Ё.Баатарбилэг гаргаж, санал хураалт явуулсан юм. Ингээд горимын саналыг хуралдаанд оролцсон гишүүдийн олонх дэмжлээ.
УИХ-ын гишүүдийн зүгээс 1072 хувьцаатай холбоотой асуудлаар бодит мэдээллийг авах, хэрэгжүүлж буй бодлого, асуудлын талаар цаг үеийн мэдээлэл авах байсан ч хойшлуулж, дараагийн хуралдаанаар хэлэлцэхээр боллоо.