Ази-Номхон далайн бүсийн орнуудын их дээд сургуулиудийн дунд жил бүр зохион байгуулагддаг “ABU Robocon” олон улсын роботын тэмцээн анх удаа Монгол Улсад зохион байгуулагдах гэж байна. Энэхүү тэмцээнд эх орноо төлөөлөн оролцох шилдэг багуудыг тодруулах, бэлтгэх, чанаржуулах зорилгоор “ABU Robocon-2019-Ulaanbaatar” II шатны шалгаруулалт өнөөдөр 10.00 цагт Мишээл экспо төвд эхэллээ. Уг шалгаруулалт нь “ABU Robocon-2019-Улаанбаатар” олон улсын роботын тэмцээний дүрмийн дагуу зохион байгуулагдана. Шалгаруулалтыг амжилттай давсан шилдэг 16 баг болон бүсийн тоглолтууддаа заасан босго үзүүлэлтийг хангасан багууд “ABU Robocon-2019-Улаанбаатар” үндэсний аварга шалгаруулах роботын тэмцээнд оролцох эрхтэй болох юм.