Нэрт бүжиг дэглээч, Монгол Улсын урлагийн гавьяат зүтгэлтэн Д.Санжаасүрэнгийн нэрэмжит бүжгийн уралдаант наадам ирэх дөрөвдүгээр сарын 5,6-ны өдрүүдэд Чингис хотод болох нь. Зүүн Монголын олон ястны бүжгэн дэгийн өв санг баяжуулж, сурталчлан таниулах, хүүхэд, залуусын авьяас чадварыг хөгжүүлэх, Монголын уламжлалт бүжгийн урлагийг түгээн дэлгэрүүлэх зорилготой энэхүү уралдаан ерөнхий боловсролын сургуулийн сурагчдын дунд зохион байгуулагддагаараа онцлог аж. Уралдаанд оролцогчид уламжлалт болон түүхэн бүжгээр өрсөлдөх бөгөөд уламжлалт бүжгийн төрөлд халх, буриад, хамниган, дарьганга, үзэмчин, барга зэрэг ястнуудын бүжгийг сонгож өрсөлдөх юм байна.