УИХ-ын чуулганы хуралдаанаар Зам тээвэр хөгжлийн сайдын томилгоог хэлэлцлээ. Хэлэлцэж буй асуудалтай холбогдуулан гишүүд асуулт тодруулга авсан. Үүний дараа Б.Энх-Амгаланг Зам тээвэр, хөгжлийн сайдаар томилох эсэхээр санал хураалгаж, хуралдаанд оролцсон гишүүдийн 96.7 хувийн саналаар дэмжлээ.
Намтар:
Б.Энх-Амгалан 1989 онд Алтай хотын 10 жилийн 2-р дунд сургууль, 1991 онд ЗХУ-ын Улсыг аюулаас хамгаалах хорооны академи, 1995 онд МУИС-ийн Олон улсын харилцааны дээд сургууль, 1996 онд Төрийн захиргаа, удирдлагын институтыг төгсчээ. Тэрээр 1995-1999 онд Монгол Улсын Аюулгүй байдлыг хангах ерөнхий газар, 1999-2006 онд “World Trans”, “Улаан бутан” ХХК, “Мишээл групп” ХХК-д ажиллаж байсан бөгөөд 2008-2016 онд НИТХ төлөөлөгч, тэргүүлэгч, 2016 оноос Улсын Их Хурлын гишүүнээр ажиллаж буй юм.