Ирэх оны төсөвт нийт хүүхдийн 80 хувьд буюу 912 мянган хүүхдэд мөнгөн тэтгэмж олгохоор 218 тэрбум төгрөг тусгажээ.
УИХ-ын гишүүдийн санаачилснаар хүсэлт гаргасан хүүхэд болгонд тэтгэмж олгоё гэвэл хэдэн хүүхэд хүсэлт гаргахыг урьдчилан хэлэх боломжгүй. Учир нь, Монгол Улсад нийт нэг сая 140 мянга хүүхэд байна гэсэн статистик бий. Эдгээрийн 80 хувь нь 912 мянган хүүхэд болж байгаа. Үүн дээр хүсэлт гаргасан хүүхдэд мөнгөн тэтгэмж олгоно гэхээр нэг сая нэлээд гарах тооцоо байгаа аж. Хүүхдийн мөнгийг 10-15 хувь нь авдаггүй гэх судалгааг улстөрчид хэлдэг. Тэгвэл салбарын яамнаас хийсэн нарийн судалгаанаас 5-6 хувь нь авдаггүй аж.
Ингэхээр хүсэлт гаргасан хүүхэд бүрт олгох нь гишүүдийн ярьж байгаагаас илүү хувиар нэмэгдэхээр байгааг салбарын сайд С.Чинзориг хэлж байна.