Испанийн “Реал Мадрид”-ын албан ёсны цахим хуудас португал довтлогч Криштиано Роналдог Италийн “Ювентус”-т очихоор болсоныг албан ёсоор зарлалаа.
“Реал Мадрид” үргэлж чиний гэр орон байх болно” гэж тодотгосон тус мэдэгдэлд есөн жилийн хугацаанд Мадридын багт зүтгэхдээ 438 тоглолтод 451 гоол оруулж, клубын түүхэн мэргэн бууч болсоныг дурьдсаны зэрэгцээ нийтдээ 16 цом гардсаныг онцолжээ.
Мөн “Реал Мадрид”-д байхдаа дөрвөн удаа “Алтан бөмбөг” гардсаныг цохон тэмдэглэсэн байна.
Криштиано Роналдог “Ювентус” 105 сая еврогоор худалдан авч, жилийн 30 сая еврогийн цалин амласан гэнэ.
Р.ГЭГЭЭ