Уулын спортын мастер, Монголын үндэсний скайраннингийн холбооны тэргүүн С.Сүрэнжав /Сэнгүү/ агсны нэрэмжит “Уулын марафон гүйлт-2018” тэмцээн болж өндөрлөлөө. Уулын спортыг хөгжүүлэх, суртачлах түүний дотроос (скайранинг) уулын гүйлтийн төрлийг түгээн дэлгэрүүлэх олон зорилго агуулсан тус тэмцээнд ахлагч аялагчдын арав гаруй клуб холбоод оролцож эрэгтэй 110, эмэгтэй 49 тамирчин өрсөлдлөө.
Тэмцээнд оролцогчид Богдхан уул (Ханбогд амралт)- Дугуй цагаан- Баруун ширээт- Богдхан уул (Ханбогд амралт) гэсэн замаар есөн км замыг туулан бариалсан юм. Тэмцээний хамгийн залуу тамирчин 20 настай, хамгийн ахмад нь 66 настай байсан.
Эрэгтэй төрөлд: “Эко аялал клуб”-ын гишүүн, 150-р анги /элитийн бателион/-ийн алба хаагч С.Чинбат 55 минутаар нэгдүгээр байр
Аврагч спорт хорооны тамирчин Н.Тэмүүжин 56 минутын амжилтаар хоёрдугаар байр
“Тэгри” клубын тамирчин Б.Ням-Очир 57 минутаар гуравдугаар байрыг тус тус эзлэв.
Эмэгтэй төрөлд: нэгдүгээр байрыг “Тэнгэр” уулчдын клубын тамирчин Н.Даваажаргал
Хоёрдугаар байрыг “Аялалд нэгдэгсэд” клубын тамирчин Б.Батцоож
Гуравдугаар байрыг “Хамтдаа алхцгаая” клубын тамирчин Х.Нямсүрэн нар бариалсан юм.
Скайраннинг буюу ууланд уралдаж гүйх спортыг анх Италийн уулчин Марио Жакометти гаргасан байдаг. 1990-ээд оны эхэн үед Жакеметти болон түүний нөхөд Альпийн нурууны ноён оргил Монбланы сонгодог замаар уралдаж энэхүү спортын эхлэлийг тавьсан. Харин Монгол улсад скайраннингийн холбоог уулын спортын мастер Н.Сүрэнжав анхлан санаачилж энэ төрлийн тэмцээнийг зохиож эхэлсэн түүхтэй. Энэхүү тэмцээнийг түүний үүсгэн байгуулсан “Монголын скайраннингийн холбоо” өөрийх нь нэрэмжит болгосон юм. Цаашид тэмцээнийг жил бүр уламжлал болгон зохиохоор болжээ.