Монгол улсын гавьяат тамирчин, боксчин Н.Төгсцогт, ОХУ-ын Буриад улсын Ардын жүжигчин, дуучин Б.Амархүү нарыг танхайрч хүн зодсон гэх мэдээлэл зарим хэвлэлээр гарчээ. Энэ талаар албаны эх сурвалжаас тодруулахад Монгол улсын гавьяат тамирчин Н.Төгсцогт өнгөрсөн сарын 16-нд “Хүүхдийн 100”-д байрлах нэгэн цэнгээний газарт танхайрч, бусдын биед гэмтэл учруулжээ. Түүний энэ үйлдэлд Сүхбаатар дүүргиийн Цагдаагийн I хэлтэсд хэрэг бүртгэл нээж, мөрдөн шалгах ажиллагаа явуулж байгаа гэдгийг хэллээ. Харин ОХУ-ын Буриад улсын Ардын жүжигчин, дуучин Б.Амархүүг танхайрч, бусдын биед гэмтэл учруулсан гэдэг нь ташаа мэдээлэл аж. Тэрээр боксчин Н.Төгсцогтоос өөр маргааны хэрэгт гэрчээр дуудагдаж, мэдүүлэг өгсөн байна.