-Өнөөдөр NBA-гийн талбайд нийт 3 тоглолт боллоо-
Вашингтон Визардс Портланд триал Блэйзэрсийг талбайд нь 106-92-оор буулган авлаа. Визардсаас хамгаалагч Брэдли Бийл 37 довтлон 51 оноо авч багаа тэргүүлсэн бол түүнд Кэлли Оубрэ Жр 14 оноогоор туслав. Харин эсрэг багаас холбон тоглогч Дамиан Лиллард 30 оноо, 9 оновчтой дамжуулалтаар багаа тэргүүлсэн юм.
Вашингтон Визардс 13 хожилтой дорнод бүсийн долдугаар байранд бичигдэж байгаа бол Портланд триал Блэйзэрс өрнөд бүсийн зургаадугаар байранд эрэмблэгдэж байна.
Вашингтон Визардсыг 29 хувьтай довтлуулж ялсан Юта Жазз өнөөдөр Оклахома сити Тандэрийн талбай дээр зочлон ирлээ. Тус тоглолтонд Тандэрийн холбон тоглогч Рассэл Вэстбрүүк гайхалтай байж 34 оноо, 13 самбар, 14 оновчтой дамуулалт өгч Юта Жаззыг 100-94-ийн харьцаатай буулган авсан юм. Харин эсрэг багаас шинэ тоглогч Донавон Мичэль 31 оноо, 5 бөмбөг таслалт хийж багаа тэргүүлэв.
Оклахома сити Тандэр 11 хожил 12 хожигдолтой плэй оффын гадна буюу өрнөд бүсийн есдүгээр байранд эрэмлэгдэж байна. Харин Юта Жазз 13 хожил, 12 хожигдолтой өрнөд бүсийн плэй оффын долоодугаар байрлуу унав.
Торонто Рэпторс талбайдаа Финикс Сансыг хүлээн авч 126-113-ийн харьцаатай хожлоо. Рапторсын шилдэг тоглогч Кайл Лаури 20 оноо, 10 оновчтой дамжуулалт өгч багаа ялалтад хөтөлсөн бол хамгаалагч Дэмар Дэрозан 20 оноо 8 самбараас бөмбөг авалтаар туслав. Харин эсрэг багаас Дэвин Бүүкэр 19 оноо авч багаа тэргүүлсэн ч бэртэл авч талбайг чөлөөллөө.
Б.АМАРТҮВШИН