НӨАТ-ын хоёр хувийн буцаан олголтыг 2018 оны эхний улиралд багтааж олгоно гэж албаны эх сурвалж мэдээллээ. НӨАТ-ын баримтыг тухайн аж ахуйн нэгжүүд 72 цагийн дотор илгээх үүрэгтэй. Илгээсэн баримт баталгаажаагүй бол 1800-1288 дугаар руу залгаж НӨАТ-ын сугалааны дугаараар шалтгааныг тодруулах боломжтой гэв.
Мөн иргэд төлбөрийн баримтыг сугалааны тохирол болох хүртэл хаяхгүй байхыг Татварын ерөнхий газраас анхааруулав.
Иргэд орон сууц худалдан авсан тохиолдолд төлбөрийн баримтаа баталгаажуулан бүртгүүлэх ёстой бөгөөд НӨАТ-ын хоёр хувийг буцаан авах болон ХХОАТ-ын хуулиар хөнгөлөлт эдлэх боломж бүрдэнэ гэдгийг онцоллоо.