Засгийн газрын голлох бондууд болох “Хуралдай бонд”-ын ханш өнөөдрийн арилжаа эхлэх үед 0.19 хувиар буураад байна. Харин “Чингис бонд”-ын ханш баасан гарагийн арилжаа эхлэх үед 0.38 хувиар буурсан боловч түүний дараа бага зэрэг сэргэж, уналтын хувь нь 0.16 хувь боллоо. Ирэх оны нэгдүгээр сард эргэн төлөлт нь хийгдэх 500 сая ам.долларын “Чингис бонд”-ын ханш харьцангуй хэлбэлзэл багатай, арилжаа эхлэх үед 0.1 хувиар буурсан. Ийнхүү Засгийн газрын тогтворгүй байдлаас үүдэж олон улсын бондын зах зээлд манай улсын бондын ханш буураад байна.