Монголын үндэсний бөхийн холбооноос 50-аас доош настай улсын цолтой бөхчүүдийн эрэмбийг шинэчлэн гаргалаа. Энэхүү эрэмбэ нь ирэх жилийн улсын баяр наадам хүртэл мөрдөгдөнө.
Улсын аварга цолтнуудын эрэмбийг Дархан аварга Г.Өсөхбаяр манлайлсан бол Дархан аварга А.Сүхбат удаалсан байна. Харин улсын арслан цолтнуудын эгнээг П.Бүрэнтөгс, Н.Батсуурь, Д.Ганхуяг нар тэргүүлжээ. Улсын гарьд цолтнуудыг Б.Гантогтох, Ц.Цэрэнпунцаг, Н.Ганбаатар, М.Баяржавхлан нар тэргүүлж, улсын заан цолтнуудаас Ц.Мягмарсүрэн, Б.Сайнбаяр, Д.Бумбаяр нар илүүрхээд байна.
Улсын харцага цолтой 28 бөхөөс Л.Пүрэвжав, Г.Элбэг, Г.Ганхуяг, Ш.Уламбаяр, А.Цацавшир нар эхний тавд бичигдсэн бол улсын начин цолтой 120 бөхөөс Э.Энхбат, Ш.Батхуяг, М.Жамъянпүрэв, Ц.Сумъяабэйс, Н.Бүрэнбаатар, И.Ёндонсамбуу, Р.Ганхуяг, Ц.Лхагвасүрэн, Ц.Цогтжаргал, Ж.Отгонбаяр нар тэргүүн эгнээнд бичигджээ.
Шинэчилсэн эрэмбийг ЭНД ДАРЖ бүрэн эхээр нь үзнэ үү.