2017 оны Элсэлтийн ерөнхий шалгалт зургадугаар сарын 14-нөөс эхэлнэ. Төгсөгчид дөрвөн хичээлээр ЭЕШ өгөх бөгөөд энэ сарын 14-ний 12:00-13:40 цагт Монгол хэл бичгийн шалгалт, 15-нд 10:00 цагт англи хэл, 13:00 цагт хими, 16:00 цагт Монгол Улсын түүх хичээлүүдээр өгнө.
Зургадугаар сарын 17-нд математик, газарзүй, биологи, монгол хэлний шалгалт явагдах бол 18-нд нийгмийн тухай мэдлэг, физик, орос хэлний шалгалтууд хуваарийн дагуу явагдах юм байна.
Шалгуулагчид шалгалт өгөх ЭЕШ-ын байр, анги танхим, суудлын хуваарийг баталгаажуулсан хуудсыг өөрийн бүртгэлийн дугаар болон нууц үгийг ашиглан 2017 оны тавдугаар сарын 15-наас хойш www.eec.mn сайтаас хэвлэн авна.
О.ӨНӨР
