Цахилгаан дамжуулах үндэсний сүлжээ ТӨХК-ийн эзэмшлийн 110/10/6кВ-ын Өмнөд дэд станцын 6 кВ-ын 2-р секцэд өчигдөр оройн 23 цагт гал гарчээ. Улмаар Өмнөд дэд станцыг хүчдэлээс бүрэн салгасан байна.
Одоогоор станцын гэмтэлтэй хэсгүүдийг засварлахаар Цахилгаан дамжуулах үндэсний сүлжээ ТӨХК, УБЦТС ТӨХК-ийн Баруун түгээх төвийн ажилтнууд ажиллаж байгаа аж.
10 цагийн байдлаар тус станцаас цахилгаанаар тэжээгддэг ихэнх хэрэглэгчдийн хэрэглээг сэргээжээ. Харин Улаанбаатар сувилал орчим, 19-р хороолол, Энхтайваны гүүрний зүүн урд талын Хурд аппартмент хотхоны айл өрх хэрэглэгчид, Соёлын төв өргөө, Арьс ширний үйлдвэр орчмын үйлдвэрийн газруудын хэрэглээ сэргээгүй буюу цахилгаангүй байна.
Тиймээс өмнөд дэд станцын гэмтлийг засварлаж дээрх хэрэглэгчдийн цахилгаан хэрэглээг хэвин болгох ажлыг өнөөдөртөө багтаж дуусгахаар шуурхайлан ажиллаж байна хэмээн УБЦТС-аас мэдээллээ.