МАН болон МАХН-аас ерөнхийлөгчийн сонгуульд нэр дэвшигчдийн халз мэтгэлцээнд АН оролцохгүй байна гэсэн утга бүхий мэдээллийг өчигдөр хамтран хийсэн билээ. Энэ талаар АН-ын нарийн бичгийн дарга О.Магнай “АН нэр дэвшигчдийн халз мэтгэлцээнийг дэмжиж байна. Харин нэвтрүүлэх телевизийн хувьд Монгол HD гэсэн зарчмын байр суурьтай байгаа. Нийгэмд хараат бус хэмээн хүлээн зөвшөөрөгдсөн суваг гэж ойлгогддог.
Ах дүү намууд /МАН, МАХН/ хэвлэлийн хурал хийж, олон нийтэд буруу ойлголт өгсөнд харамсаж байна. АН-ын нэр дэвшигчийн хувьд УИХ-д гурван удаа сонгогдож, Засгийн газрын гишүүнээр хоёр удаа ажиллаж байсан хүний хувьд мэтгэлцээнээс зугтах шаардлага байхгүй гэдгийг хариуцлагатайгаар мэдэгдье” хэмээн нүүр хуудастаа бичжээ.