“Орон сууцны үнийн индекс”-ийн (ОСҮИ) судалгааны 2017 оны 4-р сарын дүнг олон нийтэд танилцуулж байна. Тус судалгаагаар өнгөрсөн 4-р сард Орон сууцны үнийн ерөнхий индекс 1,01 болж суурь үе буюу 2013 оны 1-р сараас 1.2%-иар өслөө. Энэ нь өмнөх сараас 0,20 хувиар өссөн үзүүлэлт юм. Харин өнгөрсөн оны мөн үетэй буюу 2016 оны 4-р сарын үр дүнтэй харьцуулахад 2,18 хувиар буурсан байна. Үнийн индексийн үзүүлэлтийг шинэ орон сууц, хуучин орон сууцаар ангилж үзвэл:
Шинэ орон сууцны үнийн индекс 1,15 гарсан. Энэ нь өмнөх сараас 0,72 хувиар буурсан байна. Харин өнгөрсөн оны мөн үетэй харьцуулбал 0,48 хувиар буурсан байна.
Хуучин орон сууцны үнийн индекс 0,92. Суурь үеэс 8,2 хувийн бууралттай гарлаа. Харин өмнөх сараас 0,51 хувиар өсч, өнгөрсөн оны мөн үеэс 4,64 хувиар буурсан үзүүлэлт юм.
|
Үзүүлэлт |
Ерөнхий |
Шинэ о/с |
Хуучин о/с |
|
Индекс |
1,01 |
1,15 |
0,92 |
|
Индексийн өөрчлөлт /суурь үе-2013.01/ |
1,2% |
14,6% |
-8,2% |
|
Өмнөх сартай харьцуулахад |
0,20% |
-0,72% |
0,51% |
|
Оны эхэнтэй харьцуулахад |
0,31% |
-0,79% |
-0,54% |
|
Өмнөх оны мөн үетэй харьцуулахад |
-2,18% |
-0,48% |
-4,64% |
