Э.Бат-Үүлийг хүүгийнх нь хамт шоронд хорьжээ гэсэн мэдээллүүдийг цахимын хуурамч хуудсуудаар өчигдөрөөс эхлэн тараасан байна. Энэ нь огт үндэслэлгүй, төлбөртэй, улстөрийн гүтгэлгийн чанартай байгаа учраас, мэдээлэл тарааж буй иргэнийг олж тогтоон шүүх хяналтын байгууллагаар шалгуулна гэж Э.Бат-Үүл өөрөө мэдэгдлээ.
Тиймээс тэрээр өөрийн гэрээсээ гар утаснаасаа бичлэг хийн олон нийтэд хариулт өгсөн байна. Тэрээр ярихдаа “Энэ худал мэдээ нь нэр бүхий хоёр facebook хуудаснаас sponsored буюу төлбөртэйгөөр цацагдсан болохыг баримтаар үзүүлээд энэ зохион байгуулалттай гүтгэлгийн зорилго нь маргааш битүүний орой болж хүмүүс цуглах үед зориуд ярианы сэдэв болгох гэсэн арга” гэдгийг онцолсон байна.