“Ажлын байрыг минь буцааж өгөөч?” гадаа ажиллах эсэргүүцлийн хөдөлгөөн өнөөдөр үргэлжилж байна. ШУА-ийн Палеонтологи, геологийн хүрээлэнгийн байрыг БЗД-ийн Прокурорын газарт балансаас баланст шилжүүлэх тухай Шийдлийн Засгийн газрын 270-р тогтоолыг цуцлуулах асуудлаар “Шинжлэх ухаанаа аваръя” түр хороо, Шинжлэх ухааны байгууллагуудын Үйлдвэрчний эвлэлийн нэгдсэн хорооноос 2017 оны 2-р сарын 16-ны өдөр хэвлэлийн бага хурал хийж, хариуг 2-р сарын 21-ний өдрийн дотор бичгээр авахаар Ерөнхий сайдад шаардлага хүргүүлсэн юм байна. Гэвч шаардлагын хариу ирээгүй тул ийнхүү эсэргүүцлээ үргэлжлүүлж байна.
Шаардлагад хариу өгч, асуудлыг шийдэж өгөхгүй бол ирэх гуравдугаар сарын эхээр шинжлэх ухааны салбарынхныг хамарсан Засгийн газрын чихний бөглөөг гаргах “Үлэг гүрвэлийн цурхираан” нэртэй жагсаалыг зохион байгуулах юм байна. Жагсаалын үед Палеонтологи, геологийн хүрээлэнгийн эрдэмтдийн олон арван жилийн турш судлан цуглуулсан дэлхий ховор сонин үлэг гүрвэлүүд жагсаж “орох орон”-гүй болсондоо гашуудаж, Засгийн газраас орон байраа буцааж өгөхийг цурхиран гуйх арга хэмжээ болно хэмээн эрдэмтэдп мэдэгдэж байна.