Энэ оны нэгдүгээр сарын 23-наас 24-нд шилжих шөнө Сүхбаатар дүүргийн наймдугаар хорооны нутаг дэвсгэрт байрлах МУБИС-ийн оюутны тавдугаар дотуур байрны зүүн урд буланд байрлах хогийн цэг дээрээс 3 кг 800 грамм жинтэй эрэгтэй нярайн цогцос эхэстэй хамт хаясан хэрэг гарчээ.
Энэхүү хэрэгт одоогийн байдлаар шалгалтын ажиллагаа явуулж эхэлсэн бөгөөд уг нярайг төрүүлсэн хаясан байж болзошгүй хүнийг орон даяар эрэн сурвалжилж эхэлсэн байна.
Мөн жирэмсний хугацаандаа төрөөд учир битүүлгээр хүүхэд нь байхгүй байгаа эхчүүдийн талаар мэдээллийг худалдаж авахаар болжээ. Уг хэргийн талаар мэдээлэл өгсөн иргэнийг чандлан хадгална. Сүхбаатар дүүргийн цагдаагийн нэгдүгээр хэлтэс 94374924, 96668268, 99199612, 70120137
Манай улсын одоо хүчин төгөлдөр хэрэгжиж буй хуулиар 117 дугаар зүйл. Хүүхэд хаях, төөрүүлэх 117.1.Төрүүлсэн болон үрчлэн авсан хүүхдээ хаясан, төөрүүлсэн бол хөдөлмөрийн хөлсний доод хэмжээг тавин нэгээс хоёр зуун тавь дахин нэмэгдүүлсэнтэй тэнцэх хэмжээний төгрөгөөр торгох, хоёр зуун тавин нэгээс гурван зуун цаг хүртэл хугацаагаар албадан ажил хийлгэх, эсхүл гурваас дээш зургаан сар хүртэл хугацаагаар баривчлах ял шийтгэнэ.
117.2.Энэ хэргийн улмаас хүүхдийн амь нас хохирсон, бусад хүнд хор уршиг учирсан бол таван жил хүртэл хугацаагаар хорих ял шийтгэнэ хэмээн заасан байдаг аж.