Баатар хот Москвагийн нэрэмжит, улсын тэргүүний, үндэсний лаборатори 33 дугаар сургуулийн сурагч, “Уран бэр” шатрын клубын тамирчин Н.Содбилэгт ОХУ-ын Сочи хотод саяхан болсон сурагчдын дэлхийн аварга шалгаруулах тэмцээнд оролцон шатрын сурагчдын дэлхийн аварга болсон билээ.
Энэхүү амжилтыг нь өндрөөр үнэлж Монголын шатрын холбооноос оны шилдэг өсвөрийн шилдэг эрэгтэй шатарчин цолоор шагналаа. Шагналыг Монголын шатрын холбооны ерөнхийлөгч Ц.Сайнбаяр гардуулан өглөө. Мөн Н.Содбилэгт нь өнгөрсөн долдугаар сард Ираны Тигеран хотод болсон Азийн өсвөрийн аварга шалгаруулах тэмцээнд оролцон гуравдугаар байр эзэлж байсан юм.