Өчигдөр шөнө 03:20 цагт “Nissan X-Trial” маркийн автомашинтай согтуу жолооч цагдаагаас зугтааж яваад энхтайваны гүүрний хашлага болон гэрлийн шонг мөргөн доош унасан хэрэг гарсан байна. Үүнээс үүдэн гүүрний зарим хэсгийн хашлага нурж, гэрлийн шон унажээ.
Ийнхүү осол гарсантай холбоотойгоор замын хөдөлгөөнд өөрчлөлт орох эсэх талаар Замын хөдөлгөөний удирдлагын төвөөс тодруулахад “Ослын газарт засварын бригад очин, засварын ажлыг эхлүүлэх гэж байна. Ингэснээр Энхтайваны гүүрний нэг эгнээг хааж, замын цагдаагийн албан хаагч зохицуулна” гэсэн хариу өглөө.