Ираны төрийн тэргүүн Хасан Роухани Сирийн Ерөнхийлөгч Б.Асадтай утсаар холбогджээ. Тэрбээр босогчдын гарт байсан Алеппо хотыг чөлөөлөх ажиллагаа амжилттай дуусгасанд баяр хүргэсэн байна. Х.Роухани “Алеппо хотыг чөлөөлөх ажиллагаа амжилттай болсон нь Сирийн бүх нутаг дэвсгэрт терроризмыг устгаж, энх тайван, тогтвортой байдлыг тус улсад дахин сэргээхэд чухал алхам боллоо. Бид Сири улстай бүх салбарт хамтран ажиллахад бэлэн байна” гэв. Үүний хариуд Б.Асад “Манай цэргүүд ялалт байгуулахад иранчуудын бидэнд үзүүлсэн эдийн засаг, цэргийн тусламж ихээхэн хувь нэмэр оруулсан” гэж онцолжээ.