С.Зориг агсныг хөнөөсөн хэргийн шүүх хурал өнөөдөр товлогдсон өдрөө тогтсон цагаасаа хожимдож эхэлсэн боловч нээлтийн үйл ажиллагааг сэтгүүлчдэд үзүүлээд цааш хаалттай үргэлжилсэн юм. Гэвч тавь гаруй сэтгүүлчдийг урин дуудаж дуулиантай эхэлсэн шүүх хурал удаан үргэлжилсэнгүй.
Учир нь Шүүх бүрэлдэхүүн шүүх хурлыг 7 хоногийн хугацаатай хойшлуулах шийдвэр гаргалаа. Шүүгдэгч Ц.Амгаланбаатар нарын өмгөөлөгчид шүүх хуралдааныг хойшлуулах хүсэлт бичгээр гаргасныг ийнхүү шүүх бүрэлдэхүүн хүлээн авчээ.
Өнөөдрийн Шүүх хуралд шүүгдэгч Ц.Амгаланбаатар, Б.Содномдаржаа, Т.Чимгээ нар яллагдагчаар татагдан ирсэн байлаа.
Хохирогчийн талаас С.Зориг агсны дүү С.Оюун, гэргий Б.Булган нар оролцох мэдээлэл байсан ч хүрэлцэн ирсэнгүй. Мөн шүүгдэгчдийн ар гэрийнхэн шүүх хуралд оролцохоор ирсэн ч тэднийг оруулахгүй байсан юм.
О.ӨНӨР
Гэрэл зургуудыг Ц.МЯГМАРСҮРЭН